Prindërit e 17-vjeçarit që humbi jetën nga Covid-19 në spitalin “Shefqet Ndroqi’, si pasojë e komplikacioneve, janë të dy të shtruar në spital. I riu ka qenë prej një jave në terapi intesive dhe më pas në intubim, për shkak se virusi i ka prekur pothuajse 100% të mushkërive të tij. Mësohet në të njëjtin spital kanë qenë të shtruar dhe dy prindërit e tij.
Babai i 17-vjeçarit ndodhet ende në gjendje të rëndë për jetën, ndërkohë që e ëma e ka kaluar fazën e rrezikut, dhe i është rekomanduar nxjerrja nga ambientet spitalore. Ende nuk është bërë me dije nëse kanë pasur sëmundje shoqëruese që të ketë bërë që gjendja e tyre të përkeqësohet më tej.
