Një makinë është përfshirë nga flakët në aksin rrugor Fier-Patos, pranë stacionit të lagjes “1 Maji”. Automjeti tip “Hyundai” ka qenë në ecje kur papritur ka marrë flakë, duke shpëtuar pa u shkrumbuar plotësisht.
Sapo ka vënë re tymin që kishte nisur të dilte nga pjesa e kroskotit, drejtuesi i mjetit ka dalë menjëherë nga makina.
Dyshohet se shkaku i zjarrit ka qenë një shkëndijë elektrike. Policia dhe shërbimet e zjarrfikëses kanë shkuar në vendngjarje.
"Sot rreth orës 15:30, në lagjen “1 Maj”, në ecje e sipër ka marrë flakë mjeti tip “Hunday”, në pronësi të shtetasit M. A., ku është djegur pjesa e përparme e tij.
Paraprakisht dyshohet se zjarri ka rënë si pasojë e një defekti në motor. Në vendngjarje shkuan menjëherë shërbimi zjarrfikës dhe ato policore, të cilat bënë të mundur fikjen e zjarrit. Grupi hetimor po punon për zbardhjen e plotë të kësaj ngjarje", njofton policia.
