Tre makina janë përshirë nga flakët gjatë natës në qytetin e Lushnjes. Policia bën me dije se ngjarja ka ndodhur rreth orës 3 të mëngjesit në lagjen “Çlirimi”, në parkimin e jashtëm të një qendre tregtare. Sipas informacioneve të marra dyshohet se zjarri ka qenë i qëllimshëm.
Fillimisht nga flakët është përfshirë mjeti tip Benz në pronësi të shtetasit M. K, me pas flakët janë përhapur në të dyja anët duke përfshirë dhe dy automjetet e tjera. Policia e Lushnjes po heton lidhur me këtë ngjarje ku si ndihmë do jenë kamerat e sigurisë që kanë në këtë zonë.
