Shemsi Prençi ka dhënë dorëheqjen nga posti i Këshilltarit të Presidentit për Çështjet e Emergjencave Civile. Lajmin e ka bërë të ditur Kreu i Shtetit, Ilir Meta nëpërmjet një postimi në Facebook.
Në mesazhin e tij, Kreu i Shtetit falënderoi Prençin për këshillat, korrektësinë dhe përkushtimin në punë.
“Këshilltari për Çështjet e Emergjencave Civile, z.Shemsi Prençi, pasi më informoi si çdo ditë, për situatën e përmbytjeve në mbarë vendin dhe gjendjen e banorëve në zonat e bllokuara nga dëbora, më njoftoi sot dorëheqjen e tij nga kjo detyrë, për shkak të angazhimeve të tij të reja në të ardhmen.
E falenderova për këshillat e vlefshme, përkushtimin, korrektësinë, profesionalizimin dhe ndjenjat atdhetare të dëshmuara prej tij gjatë bashkëpunimit tonë të frytshëm për gati dy vite.
Duke e pranuar dorëheqjen e z.Prençi, i urova suksese për të ardhmen”, shkruan Presidenti Meta.
