Gjobitja e përfaqësuesve të partive politike që organizojnë takime elektorale në kohë pandemie ka vijuar edhe në radhët e opozitës. Me 5 milionë lekë të vjetra secili janë gjobitur: përfaqësues i Partisë Demokratike në Shkallnur Fatmir Muça dhe përfaqësues i Partisë Demokratike Manëz, Agim Cani.
Gjithashtu është ndëshkuar me masë administrative 1.000.000 lekë, pronari i një subjekti në Sukth, shtetasi F. Ç., i cili ka lejuar zhvillimin e një aktiviteti politik në subjektin e tij, duke shkelur Aktin Normativ.Drejtoria Vendore e Policisë Durrës apelon për të gjithë pronarët dhe administratorët e lokaleve, që të respektojnë me rigorozitet protokollet e sigurisë dhe masat antiCovid.
