Brigitte Bardot, 86 vjeçe, pas një kohe të gjatë shkëputje nga jeta publike, ne intervistën e saj më të fundit la gjurmë me opinionin e saj rreth Covid-19.
"Është një gjë e mirë për planetin", tha ikona franceze, e cila ka kohë që është tërhequr nga vëmendja e punblikut, për t'iu përkushtuar vetëm kafshëve dhe mjedisit.
"Unë lexoj shumë libra, gazeta, shikoj tv flas me miqtë e mi dhe shikoj që kjo botë po bëhet një cirk. Është e neveritshme mënyra se si ne e trajtojmë planetin tonë që mbytet nën peshën e një demografie të pakontrollueshme nga e cila lindin të gjitha fatkeqësitë që na ndodhin: ngrohja globale, përmbytjet, zjarret ... "-tha Brigitte Bardot.
Ish-aktorja, e cila ka qenë protagoniste e historive të mëdha të pasionit, ka shpjeguar disa herë se dashuria e saj e vetme tani janë kafshët.
“Kam frikë se Coronavirus dhe epidemitë e ardhshme që janë tashmë në horizont do të vendosin me dhimbje rekordin. Kur pesë miliardë qenie njerëzore në Tokë të jenë zhdukur, natyra do të marrë përsëri hapësirën e saj ", shpjegoi ish-aktorja për të cilën virusi po vepron si një lloj vetë-rregullimi i një demografie që ne nuk jemi në gjendje ta kontrollojmë dhe i përcakton njerëzit si qenie që nuk kanë grabitqarë: "vetëm forcat natyrore mund t'i detyrojnë ata të arsyetojnë".
