Keira Knightley ka deklaruar se nuk do të interpretojë skena nudo në filma që kanë një regjisor mashkull. Duke folur për podcastin Chanel Connections, aktorja tha:
"Unë refuzoj absolutisht [për të xhiruar skena nudo], por ka diçka me burrat. Është pjesërisht e kotë dhe gjithashtu është diçka te këndvështrimi mashkullor," -shpjegoi 35-vjeçarja.
Tema se si trajtohen aktorët gjatë xhirimit të skenave seksuale është vënë në qendër të vëmendjes vitet e fundit, veçanërisht që nga lëvizja MeToo. Shumë studio tani punësojnë koordinatorë të intimitetit për të mbikëqyrur skenat seksuale dhe për t’u siguruar që aktorët të ndihen rehat dhe të trajtohen me respekt gjatë xhirimeve.
Knightley ka zbuluar më parë se ajo kishte shtuar një klauzolë “pa lakuriqësi" në kontratat e saj të filmave qëkur u bë nënë, në vitin 2015. Gjatë intervistës, Knightley gjithashtu tha se do të dëshironte të punonte me një regjisore femër nëse një film përqendrohej në përvojat e jetës femërore.
Aktorja ka thënë më parë se ajo e ka ndaluar vajzën e saj të shikojë filma të Disney që portretizonin gratë në mënyra me të cilat ajo nuk pajtohej.
