Në dhjetor të vitit të shkuar gjykata rrëzoi akuzat për Valdrin Pjetrin, kandidatin fitues të zgjedhjeve për bashkinë e Shkodrës në 2019. Ai u akuzua për fshehjen e një dënimi në Itali në formularin e dekriminalizimit.
Me zbulimin e këtij dënimi ai nuk arriti as të kryente betimin e tij si kryebashkiak. Tashmë Rama ka vendosur ta rikthejë sërish në politikën aktive. Pjetri është caktuar drejtues teknik i shtabit elektoral të qarkut të Elbasanit. Ai është parë në takimin organizativ me strukturat e të deleguarve të rrethit Peqin, sekretariatin dhe shtabin elektoral.
Partia Demokratike e akuzoi kryebashkiakun e sapozgjedhur të Shkodrës së ishte i dënuar në shtetin italian për trafik droge dhe nuk e kishte deklaruar në formularin e dekriminalizimit duke shkelur ligjin. Nga tërheqja e Pjetrit vendi iu la Voltana Ademit, e cila po drejton ende Shkodrën. ©LAPSI.al
