Një ngjarje e rëndë ka ndodhur mesditën e sotme në kryeqytet. Një vajzë e mitur vetëm 10-vjeçe është përplasur për vdekje nga një automjet.
Ngjarja ka ndodhur në rrugën “Njazi Meka”, ndërsa policia ka shoqëruar në komisarit drejtuesin e mjetit si dhe po heton për rrethanat e aksidentit.
Njoftimi
Më datë 17.01.2021, rreth orës 12:30, në rrugën “Njazi Meka”, mjeti me drejtues A. G., ka aksidentuar këmbësoren e mitur me iniciale A.P., 10 vjeçe, e cila si pasojë e plagëve të marra, ka ndërruar jetë në spital.
Drejtuesi i mjetit është shoqëruar në Komisariatin e Policisë Nr.4, për veprime të metejshme.
Grupi hetimor dhe sherbimet e Policisë ndodhen në vendngjarje dhe po punojnë për sqarimin e rrethanave të ngjarjes.
