Disa banorë protestuan dje në Rrugën e Kombit për dëmtimin e rrugës së tre fshatrave në Mirditë, ndërkohë që policia ka proceduar penalisht 8 prej tyre.
Sipas njoftimit, shtetasit kanë bllokuar për disa minuta qarkullimin e mjeteve në aksin rrugor Milot-Morinë, në fshatin Munaz.
Shtetasit E.K., K.N., N.D., P.P., V.N., Gj.N., L.L., D.N.,banues në fshatin Rreja e Velës ,Mirditë do të procedohen penalisht në gjendje të lirë.
Banorët pretendojnë se rruga e tyre është bërë thuajse e pakalueshme dhe po ju dëmton automjetet dhe asnjë masë nuk është marrë për ta kthyer në gjëndjen e mëparshme. Banorët u përplasen dhe me policinë të cilët kundërshtuan bllokimin e Rruges se kombit.
