Persona edhe të paidentifikuar kanë hapur zjarr në drejtim të një lokali në Lezhë dhe më pas janë larguar. Gjovalin Prendi, pronari i lokalit në Lezhë u bë shënjestër e plumbave që në orët e para të mëngjesit, është xhaxhai i Taulant Prendit që u vra në shkurt të vitit 2014 në një atentat të ndodhur në Lezhë.
Gjovalin Prendi asokohe bëri thirrje për zbardhjen e ngjarjes ku humbi jetën nipi i tij duke deklaruar se nuk kishin asnjë konflikt. Policia ka nisur hetimet për sqarimin e rrethanave të ngjarjes, ndërsa janë ngritur pika kontrolli në aksin rrugor dhe vijon krehja e zonës për identifikimin dhe kapjen e autorëve.
