Maqedonia e Veriut pezulloi fluturimet me Britaninë e Madhe, duke iu bashkuar listës së vendeve të tjera që kanë marrë një vendim të tillë.
Fluturimet me Britaninë nga Maqedonia janë ndërprerë për shkak të shfaqjes së një varianti të ri të koronavirusit.
Alsat mëson jozyrtarisht se vendimi është marrë në seancën e sotme të Shtabit për Menaxhimin e Krizave.
Pak më parë Ministria e Shëndetësisë njoftoi se në mbledhjen e sotme, Komisioni për Sëmundje Infektive (KSI) ka miratuar një masë të re, 14 ditë vetëizolim për të gjithë qytetarët të cilët do të vijnë në vend përmes fluturimeve direkt nga Britania e Madhe.
