Kryetari i Partisë Demokratike Lulzim Basha ishte në Kukës ku vizitoi familjen e Myrteza Iseberit, të cilës i janë larguar 3 djem në emigrim.
Ai tha se 2 djem i ka në Angli, 1 në SHBA, por edhe djali i katërt që ka në Kukës këmbëngul të shkojë jashtë.
Gjatë bisedës në shtëpinë Iseberi, telefonoi djali nga SHBA që zhvilloi këtë bisedë me kreun e PD.
“Të rinj si Blerim Iseberi dhe vëllezërit e tij meritojnë një qeveri që e zhvillon vendin dhe e bën më të begatë, jo një qeveri që mendon për vete.
Për 7 vite, Edi Rama dhe miqtë e tij e kanë lënë në baltë rininë shqiptare me premtime të pambajtura dhe me shkatërrimin e ekonomisë.
Është koha ta ndryshojmë Shqipërinë dhe të sjellim shpresë të re për të rinjtë dhe vendin” – thotë Basha. ©LAPSI.al
