I arrestuari i parë i Gjykatës Speciales, Salih Mustafa do të vazhdojë të qëndrojë në paraburgim në Dhomat e Specializuara në Hagë edhe për dy muaj. Lajmin e ka dhënë gjyqtari i procedurës paraprake, Nicolas Guillou, përmes një njoftimit zyrtar. Për rastin e Mustafës, thuhet se mund të menaxhohet në mënyrë efektive vetëm duke qëndruar në paraburgim.
Gjyqtari Guillou brenda kësaj periudhe do të shqyrtojë nëse arsyet e paraburgimit ende ekzistojnë dhe më pas do të merr një vendim për përfundim apo vazhdim të paraburgimit. Salih Mustafa është i arrestuari i parë nga Gjykata Speciale. Ai ishte arrestuar më 24 shtator duke iu konfirmuar aktakuza për krime lufte.
