Kryetari i Partisë Demokratike Lulzim Basha u takua sot me një grup mjekësh dhe specialistësh ku u diskutua për situatën e covid. Kreu i PD-së thotë se ata i përshkruan një realitet shumë shqetësues. Basha thotë se këtë martë u shënua një numër rekord vdekjesh në Shqipëri që nga marsi kur nisi pandemia.
“Fatkeqësisht, numrat e vërtetë që fsheh Rama janë shumë më keq. Shqipëria hyri në krizën e COVID në një situatë të vështirë, pas 7 vitesh përgjatë të cilave Rama e gjunjëzoi ekonominë dhe rrënoi sistemin tonë shëndetësor. Qytetarët e Shqipërisë janë ata që po e paguajnë çmimin e papërballueshëm. Shqipëria ka nevojë për një qeveri funksionale që punon për njerëzit dhe kujdeset për ta” – shkruan Basha. ©LAPSI.al
