Gjykata Administrative i ka rrëzuar kërkesën turkut Selami Simsek për sigurimin e padisë.
Sipas News24 pas këtij vendimi i hapet rrugë dëbimit të Simsek nga Shqipëria pasi ai kishte kërkuar që mos ekzekutohej vendimi i Komisioni Kombëtar për Azilin e Refugjatët.
Simsekut i është rrëzuar kërkesa në Shqipëri për azil ndërkohë që është në kërkim nga Turqia. Gjithsesi ai ka 5 ditë kohë që ta apelojë vendimin dhe avokati i tij Elton Hyseni ka konfirmuar se do e apelojë vendimin.
Selami Simsek u arrestua korrikun e vitit të kaluar me një vizë kanadeze false në Rinas, së bashku me mësuesin Harun Çelik. Ata pretenduan se po arratiseshin, pasi përndiqeshin nga Turqia si pjesë e lëvizjes së klerikut Fetullah Gylen. Më 1 janar, Shqipëria dëboi Harun Çelik pavarësisht thirrjeve të tij në kërkim të azilit.
Simsek u dënua më 27 janar nga Gjykata e Tiranës me një vit e gjysmë burg, ndërsa përfitoi uljen e një të tretës së dënimit për shkak se pranoi fajin dhe shprehu pendesë. Ai u lirua nga burgu pasditen e 9 marsit 2020 dhe u u shoqërua në Qendrën e Mbyllur për të Huajt në Karreç ku vijon të qëndrojë edhe sot.
