Ministria e Shëndetësisë në Maqedoninë e Veriut ditën e sotme ka raportuar se në 24 orët e fundit kanë humbur jetën 20 persona si shkak i COVID-19. Prej fillimit të pandemisë deri më tani në Maqedoninë e Veriut janë regjistruar 1,156 viktima.
Sipas të dhënave në 24 orët e fundit janë regjistruar edhe 515 raste të reja me koronavirus, duke e çuar në 40,275 persona numrin e përgjithshëm i të prekurve nga virusi, që prej fillimit të emergjencës shëndetësore.
Në rajon që prej fillimit të emergjencës shëndetësore deri më tani kanë fituar betejën me sëmundjen vdekjeprurëse 24,229 pacientë sakaq në gjendje të rëndë për jetën janë 138 të tjerë.
