Gjyqtari Nicollas Guillou i është përgjigjur ankesës së avokatit mbrojtës së ish-presidentit Hashim Thaçi, David Hooper, lidhur me prangosjen e tij. Gjyqtari u shpreh se gjitha është procedurë dhe se Thaçi nuk do të preferojë trajtim special.
Pjese nga seanca
Gjyqtari Nicollas Guillou: Dua të trajtoj një çëshje për prangat. Nuk ka trajtim të posaçëm për klientin tuaj. Kjo është procedura që aplikojmë për çdo person që vjen në sallën e gjyqit.
*Thaçi flet me avokatin, Hooper: Faleminderit gjykatës. Dy personat që përmendëm janë thjeshtë çështje historie (referenca me Joe Biden dhe senatorit Bob Dole). Unë personalisht do të thoja që nuk na keni dëgjuar parashtrimet tona. Do të ishte e drejtë që të dëgjonim prokurorinë, të bësh të kundërtën është të dalësh kundër ligjit. Mendoj që kjo është mënyra e duhur për të vepruar.
Prokuroria: Kemi bërë parashtrime, Gjykata e ka marrë vendimin. E kuptojmë që keni kërkuar informacion nga ne. Do t’ja japim këtë informacion.
Gjyqtari Nicollas Guillou: Keni ndonjë gjë për të thënë zoti Thaçi?
Hashim Thaçi: Gjithë çfarë do të thoja e potencoi avokati.
Gjyqtari Nicollas Guillou: Faleminderit zoti Thaçi. Iu vazhdoni që të jeni në ndalim, mund ta kundërshtoni në javët që do të vijnë.
Ditën e sotme në Gjykatën Speciale në Hagë u zhvilluan sot dy seancat e para gjyqësore për zyrtarët e UÇK-së që akuzohen për krime lufte. I pari që u përball me togat e zeza është ish-kryeparlamentari Jakup Krasniqi, ndërsa seanca u zhvilluar edhe për ish-presidentin Hashim Thaçi. Të dy u deklaruan të pafajshëm lidhur me akuzat e ngritura ndaj tyre për krime lufte. Ndërkohë që nesër para Gjykatës Speciale del ish-kryeparlamentari Kadri Veseli, ndërsa pasnesër Rexhep Selimi.
