609 qytetarë janë ndëshkuar me gjobë 3.000 lekë pasi janë kapur pa maskë në rrugë. Po ashtu, në vijim të masave anticovid, eshtë gjobitur dhe administratori i një lokali me 1.000.000 lekë për muzikën pas orës 20:00. Gjatë kontrolleve në terren jane shoqëruar në ambientet e policisë, 8 shtetas që nuk kanë pranuar të tregojnë dokumentin e identifikimit apo nuk e kanë pasur atë me vete, të cilët pasi kanë paraqitur dokumentin e identifikimit, janë ndëshkuar me masën administrative dhe më pas janë lënë të lirë.
Ndër të gjobiturit për mosmbajtjen e maskës është dhe kryetarja e Lëvizjes Socialiste për Integrim, Monika Kryemadhi së bashku me ish-deputeten Floida Kërpaçi. Sot gjatë takimit të Kryemadhit dhe Kërpaçit me banorë të Kombinatit në Tiranë, policia i ka gjobitur të dyja.
