Pak para para nisjes për në Liban, kryeministri Edi Rama ka folur sa i takon pjesës së parë të operacionit të kthimit në Shqipëri të fëmijëve dhe grave që ndodhen në kampin e Al Holit në Siri.
“Operacioni është ndarë në dy faza, pasi janë zhvilluar negociata sekrete të pafundme dhe në këtë fazë të parë që është në zbatim shpresojmë që me ndihmën e Zotit të kemi katër fëmijë dhe një nënë të plagosur në kushte shëndetësore të vështira. Ndërkohë për fëmijët e tjerë të bëhet faza e dytë” ka thënë Rama. Kreu i qeverisë ka sqaruar se të parët do të nxirren një grua dhe katër fëmijë por ai shpreson se në faza të tjera do të mund të nxjerrin të gjitha gratë e fëmijët.
