Sekretari i Përgjithshëm i Partisë Demokratike Gazment Bardhi i është rikthyer rastit të 53-vjeçarit Lutfi Çekiri që humbi jetën pasi u sorollat në QSUT edhe pse ishte në gjendje të rëndë për shkak të disa sëmundjeve. Bardhi thotë se shëndetësia është një nga dështimet më të rënda të Edi Ramës.
“Paaftësia, papërgjegjshmëria, vjedhja me koncesione e PPP po paguhen shumë shtrenjtë nga familjet shqiptare. Ilaçet nuk janë të sigurta. Sistemi është i rrënuar. Stafet mjekësore janë të keqpaguar. Shëndetësia falas nuk ekziston.
Qytetarët harxhojnë mbi 300 milionë euro në vit tek privati. Në video, Edi Rama vs. E Vërteta e qytetarit që humbi jetën duke kërkuar një serum nëpër spitale! Kambana e alarmit po bie çdo ditë!” – shkruan Bardhi që fton qytetarët të denoncojnë dhe ta shpërndajnë këtë video. ©LAPSI.al
