Kërkohet shtyrja me tre muaj e hetimeve të dosjes së tentativës për vrasje, të prokurorit të Prokurorisë së Durrësit, Arjan Ndoj.
SPAK ka kërkuar shtyrje, për shkak se nevojiten hetime më të thelluara. Kërkesë kjo e pranuar nga gjykata.
Aktualisht për këtë çështje është nën masën e sigurisë “arrest me burg”, Redjan Rraja, dhe personi i dytë i dyshuar si bashkëpunëtor në krim, Arjol Halilaj.
Atentati ndaj prokurorit Ndoj ndodhi në datën 1 nëntor të vitit të kaluar. Nga ky atentat mbeti i vdekur Andi Maloku, shoferi i prokurorit Ndoja, i cili u nda nga jeta pesë ditë pas atentatit në Spitalin e Traumës në Tiranë.
Ndërsa të plagosur mbetën vetë Ndoj dhe shtetasi Aleksandër Laho.
