Vështirësia ekonomike dhe dëmtimet nga tërmeti janë problem për shumë banorë në Kurbin. Një nga familjet që po e vuan harresën nga shteti, edhe pse ka 9 muaj në çadër, është ajo e Etleva Veselit. Shtëpia e Veselit është klasifikuar si e pabanueshme dhe për t’u shembur, ata ende e kësaj dite nuk kanë marrë asnjë afat se kur mund të rindërtohet.
Kryetari i Forumit Rinor i Partisë Demokratike, Belind Këlliçi u njoh nga afër me shqetësimet kryesore të kësaj familjeje prej 8 personash. Qëndrimi në çadër për 9 muaj është kthyer në një sfidë që po i mposht dita ditës, pasi qeveria i ka lënë në mëshirë të fatit.
