Nuk ka paqe në Kadastrën e Vlorës. Këtë herë janë larguar dy zëvendës-drejtorë. Bëhet fjalë për Vjola Hima dhe Renato Banushi, të cilët do të zëvendësohen nga Rinald Koburja dhe Jonela Dervishaj.
Aktualisht Kadastra e Vlorës drejtohet nga Ani Binaj, i cili u prezantua pak kohë më parë nga kreu i përgjithshëm i Kadastrës, Artan Lame. Ky i fundit nuk ka shpjeguar ende përse në këtë institucion largohen kaq shumë drejtues. Për një periudhë të shkurtër kohë ka ndërruar 7 drejtorë, një rekord zëvëndësimesh në regjistrat shhtetërorë që nuk ishte parë ndonjëherë në Vlorë dhe në asnjë qytet tjetër. Kur u pyet nga gazetarët pak ditë më parë për lëvizjet në Kadastrën e Vlorës, ai kërcënoi se do të ndërpriste konferencën për mediat dhe do të largohej fare.
