Në këtë periudhë sfiduese për të gjithë, Alpha Bank Albania gjendet pranë familjeve në vështirësi duke dhuruar 100 paketa me ushqime dhe produkte sanitare, përmes Kryqit të Kuq Shqiptar, Dega Tiranë.
E pyetur për këtë nismë, Znj. Erjona Çela, Anëtare e Bordit Ekzekutiv për Biznesin me Pakicë pranë Alpha Bank Albania tha se ‘’Banka përgjatë gjithë viteve që operon në Shqipëri ka ndërmarrë vazhdimisht nisma për mbështetjen e komunitetit, si pjesë e programit të Përgjegjësisë Sociale të Korporatës, por tani më shumë se kurrë duhet që të gjithë të solidarizohemi duke mbështetur ato familje që janë prekur më së shumti nga situata e krijuar nga pandemia COVID-19. Ne e dimë që ka shumë për të bërë dhe jemi të angazhuar për të mbështetur në vazhdimësi projekte jo vetëm me impakt social por edhe edukativ, shëndetësor, mjedisor etj. ‘’
Alpha Bank Albania operon në Shqipëri që prej vitit 1998 dhe mbështet tregun shqiptar me një gamë të gjerë shërbimesh dhe produktesh për individë, biznese të vogla dhe të mesme dhe korporata nëpërmjet një rrjeti të gjerë degësh dhe kanalesh alternative si ATM, pika të pagesave me kartë POS dhe e-banking.
(Artikull Promocional)
