Vijojnë të vijnë shifra të frikshme nga Italia për shkak të koronavirusit. Autoritetet vendase sapo kanë publikuar shifrat e përditësuara. Deri në orën 17:00 të ditës së sotme, datë 16 mars 2020 në Itali janë regjistruar 27 980 persona të infektuar e 2158 viktima. Brenda 24 orëve janë shënuar 349 viktima më shumë. Shifra e atyre që kanë humbur jetën wshtw pothuajse e barabartw me atw tw njw dite mw parw kur ndërruan jetë 369 persona.
Numri i personave të shëruar është 2749. 1851 prej tyre po kurohen në terapi intesive, 11025 në struktura spitalore e 10197 në kushte shtëpie.
Autoritetet shëndetësore kanë zbuluar një shtesë prej 3400 rastesh pozitive. Kjo rritje prej 13%, është më e vogla e regjistruar që kur shpërthimi i parë i epidemisë u identifikua në Itali në 21 shkurt. Sidoqoftë, Agjencia e Mbrojtjes Civile sqaroi se ende ishte në pritje të të dhënave nga rajoni i Pulias në jug të vendit dhe ai i Trentos në veri.
Italia ka gati një të tretën e numrit të vdekjeve të regjistruara në botë, sipas një numërimi të AFP nga bilancet zyrtare.
Guvernatori i Lombardisë, Attilio Fontana ka lëshuar dje alarmin: “Jemi pranë momentit kur nuk kemi më asnjë shtrat të lirë në reanimacion”.
Nga ana tjetër kryeministri, Conte tha se Lombardia po mbahet nën vëmendje të veçantë dhe se siguria e mjekëve dhe infermierëve është në plan të parë. Autoritetet italiane kanë ngritur si shqetësim bllokimin e 19 milion maskash nga vendet e tjera me destinacion Italinë. Numri i personave që kanë rezultuar pozitiv me koronavirus në Itali ka shkuar në 24,603 persona. Rreth 2.853 persona kanë rezultuar të infektuar vetëm në 24 orët e fundit.
Bergamo është krahina me numrin më të lartë të infektuarve nga koronavirusi, në Lombardi.
Numri i të prekurve në këtë zonë shkon në 3.416, ku vetëm 24 orët e fundit janë shënuar 552 të infektuar”, tha dje këshilltari për Mirëqenie të Lombardisë, Giulio Gallera në Facebook.
Në Brescia ka 2.473 (+351), në Kremona 1.792 (227), në Pavia 722 (100), në Mantua 327 (60), Monza dhe Brianza 339 (+115).
Në qytetin metropolitik të Milanos janë infektuar 1.750 (+200), nga të cilët 711 në qytet (79), pra me numër në proporcion me popullsinë më të ulët se zonat e tjera.
©LAPSI.al
