Andi Bushati: Reforma në drejtësi, kjo gërmadhë që na e shesin si histori suksesi
Për të realizuar qëllimin e saj, PS vuri në veprim Kryetarin e Këshillit të Emërimeve në Drejtësi (KED), Ardian Dvoranin, Parlamentin dhe ministrinë e drejtësisë. Qëllimi i gjithë këtij zinxhiri qe që të dëshmonte se presidenti e kishte humbur të drejtën e përcaktimit të një kandidati (afatin 30 ditor) dhe kështu në kushtetuese katapultohej direct, Arta Vorpsi. Me këtë lëvizje arriheshin dy objektiva. Edhe Vorpsi quhej e zgjedhur, nëse emri i saj dilte në fletoren zyrtare edhe parlamentit i jepej mundësia të çonte në gjykatën kushtetuese dy gra të tjera, Fiona Papajorgjin dhe Elsa Toskën. Pikërisht lidhur me manipulimin e botimit në fletoren zyrtare është vënë sot nën akuzë Etilda Gjonaj. Ja se ç’ka ndodhur. Në një rakordim të plotë mes tyre për të arritur tek rrëmbimi i një gjyqtari të kushtetueses, Gramoz Ruçi i këkon informacion Ardian Dvoranit se si zgjidhej kjo çështje. Në 8 nëntor 2019, kryetari i KED-së, Ardian Dvorani, kthen përgjigje se duke qenë se presidenti Ilir Meta nuk ka shfrytëzuar afatin 30-ditor për përzgjedhjen e një prej kandidatëve të listës dërguar nga KED, kandidatja Arta Vorpsi konsiderohet e shpallur anëtare e Gjykatës Kushtetuese. Brenda së njëjtës ditë, Ministrja e Etilda Gjonajt urdhëron Qendrën e botimeve zyrtare (QBZ) ta botojë atë në Fletoren zyrtare.Manipulimi/ Meta zbardh emrat e pjestarëve të tjerë të grushtit të shtetit
Pikërisht këtu ajo ëshë në shkelje të ligjit shqiptar. Një, për arsye se sipas ligjit ky nuk është një akt që parashikohet të botohet aty dhe dy se po sipas ligjit, askush nuk mund të urdhërojë botimin e një akti që është prodhuar nga një institucion tjetër. Por, këto nuk janë dy shkeljet e vetme të ministrisë së drejtuar nga Etilda Gjonaj. Hapja e letarave të korresopndencës ka dëshmuar edhe fallcifikim. Sepse ministria e drejtësisë e ka çuar urdhrin për botim, përpara se kuvendi ti kërkonte këtë me shkresën që do të bëhej më pas, vetëm për të mbuluar gjurmët. Dhe ky është mëkati i trëtë i saj. Që ministrja e drejtësisë është kapur me preshë në duar këtë e dëshmoi edhe përgjigja që ajo dha. Pasi u njoh me denoncimin e presidentit, në vend që të përgjigjej se pse kish dhënë urdhër për botim në fletoren zyrtare, kur nuk e ka si kompetencë dhe si qëndronte çështja e akuzës për fallcifikim, ajo bëri një sallatë fjalësh për ekuilibrin psikik të presidentit, për marrëzine e tij dhe armiqësinë ndaj reformës në drejtësi. Ndoshta vetëm kaq do të mjaftonte për të krijuar një ide. ©Lapsi.al
