Emigranti kosovar Musli Morina 20 vjeç ka rrëfyer para autoriteteve italiane motivin e vrasjes së kushëririt të tij Erion Morina po 20 vjeç.
" U grindëm për 50 euro që i kisha dhënë borxh e nuk ma kish kthyer", rrëfeu ai.
Vrasja ka ndodhur natën e 17 janarit ne qytezën Calcio në provincën e Cremonës.
Trupi i Erion Morina u gjet pa jetë në lumin që konte mjaft pranë banesë së tij. Ai kishte plagë me armë të ftohtë.
Falë telekamerave të sigurisë rrugore u identifikua menjëherë autori i këtij krimi, kushëriri i viktimës.
Video ka zbardhur se Musli Morina e ka goditur me thikë disa herë kushëririn e tij e më pas e ka tërhequr trupin zvarrë duke e hedhur në ujë.
Sipas rrëfimit të autorit të vrasjes dy të rinjtë kishin konsumuar kokainë para se të bënin sherr e kishin kaluar mbrëmjen në një lokal 50 metra larg pallatit të apartamentit ku jetonin.
Autopsia e mjekësisë ligjore ka zbardhur se Erion Morina ka ndërruar jetë për shkak të mbytjes në ujë e jo për plagët e marra nga goditjet me thikë.
Viktima kishte 2 vjet që jetonte në Itali.
Autori i krimit Musli Morina është vënë në pranga me motivimin e vrasjes me qëllim e ndodhet në dispozicion të autoriteteve gjyqësore./ Ora
