Kryetari i Partisë Demokratike Lulzim Basha e konsideron të papranueshme mbylljen e disa portaleve dhe faqeve në Facebook me argumentin se kanë nxjerrë lajme të rreme. Basha thotë se duhet që menjëherë prokuroria të nisë hetimet për dhunimin e fjalës së lirë.
“Të shfrytëzosh këtë fatkeqësi për të mbyllur portale, faqe fb e rrjete të tjera sociale dhe të kërcënosh gazetarët nga mëngjesi në darkë vetëm pse janë kritikë me qeverinë dhe sjellin zërin e qytetarëve të lënë në harresë dhe pa asnjë ndihmë, është kriminale.
Kjo është mënyra për të mbytur zërin e qytetarëve dhe të vërtetës që vjen përmes medias dhe portaleve të ndryshme. Prokuroria duhet të nisë menjëherë hetimet për dhunimin e fjalës së lirë nga qeveria. Me Kushtetutë dhe ligj kjo përbën një krim të rëndë që duhet ndëshkuar.” – shkruan Basha. ©LAPSI.al
