Një automjet i llojit "Benz" është djegur gjatë mbrëmjes së kaluar në autostradën Tiranë-Durrës.
Nga informacioni paraprak i komunikuar nga Policia, mësohet se automjeti është në pronësi të personit me iniciale P.Z., banues në Tiranë.
Gjithashtu, bëhet me dije se makina ishte denoncuar e vjedhur më datë 23 shtator nga vetë zotëruesi.
Grupi hetimor po vijon me punën për sqarimin e rrethanave të ngjarjes.
Materialet u referuan në Prokurorinë Pranë Gjykatës Shkallës Parë Durrës për ndjekjen e veprimeve të mëtejshme. ©Lapsi.al
