Nuk duket më e sigurtë pankina e Zinedine Zidane. Pas debutimit të hidhur në Champions League, ku Real Madrid është shkatërruar 3-0 nga Paris Saint-Germain, tekniku i Blancos rrezikon zëvendësimin. Shfaqen menjëherë emrat e mundshëm: José Mourinho është ende I lidhur me presidentin Perez, por edhe Massimiliano Allegri duket se është një kandidat. Sipas Mundo Deportivo, Real mund të bëjë edhe një zgjidhje ekonomike, duke i besuar skuadrën Xabi Alonso.
Tekniku francez ka patur edhe vështirësinë e shumë lojtarëve të dëmtuar, porn ë anën tjetër Real Madrid është klubi që ka shpenzuar më shumë në dritaren verore të merkatos e se të rinjtë e ardhur nuk kanë mundur dot të bëjnë diferencën. Florentino Perez nuk është i kënaqur e në Madrid kanë nisur të qarkullojnë emrat e trajnerëve të ardhshëm.
Allegri është pa skuadër dhe blancos kanë qenë të interesuar edhe më parë për ish-teknikun e Juventus, por trajneri tjetër që i pëlqen shumë Perez është Mourinho, aktualisht i lirë pas aventurës me Manchester United. Portugezi e njeh mirë ambjentin, duke qenë se e ka drejtuar Real për tre sezone.
