Pas debutimit, disi surprizë, në Verona e konfirmimi kundër Spal, Sinisa Mihajlovic do të jetë i detyruar të bëjë mungesën e parë në Serie A në pankinën e Bologna. Tekniku serb ka rinisur kurat kundër leucemisë e duhet të kthehet në spitalin Sant'Orsola për ciklin e dytë të kemioterapisë (i pari kishte përfunduar pak para transfertës në Bentegodi në fund të gushtit).
Mihajlovic, kështu, do të humbasë me siguri ndeshjen kundër Brescia, e programuar për të dielën në 15 shtator në stadiumin Rigamonti, duke i lënë detyrën për të udhëhequr kuqeblutë nga pankina, ndihmësit të tij De Leo. Tekniku do të qendrojë megjithatë në kontakt me Miroslav Taniga, bashkëpunëtorin e tij, për indikacionet taktike mbi ndeshjen.
