Kreu i Grupit Parlamentar të Partisë Socialiste Taulant Balla ka thënë se në zgjedhjet e vitit 2021, PS do të bëjë gjithçka është e mundur që të garantohet vota e emigrantëve. Ky është një premtim që socialistët e bëjnë cdo palë zgjedhje, por asnjëherë nuk e kanë finalizuar. Gjithnjë e kanë gjetur ndonjë justifikim, me siguri do e gjejnë edhe kësaj radhe. Fakti është që asnjë prej palëve politike në Shqipëri nuk u intereson vota e emigrantëve, pasi nuk i kanë nën kontroll, s'i manipulojnë dot, nuk u bëjnë dot presion.
“Në fillim të shtatorit, mblidhet parlamenti. Reforma zgjedhore është shumë e rëndësishme dhe ne duam që ta përfundojmë këtë reformë shumë të rëndësishme. Ky sezon vjen me mision të ri. Më 2021 ne do të garanmtojmë votën për shqiptarët që jetojnë jashtë. Do të kemi parasysh edhe rekomandimet e OSBE-ODIHR.
Kuvendi do të vijojë punën për reformën në drejtësi. Janë disa reforma, ajo zgjedhore, në drejtësi etj që ne duam t’i bëjmë. Unë shpresoj që edhe opozita të marrë pjesë për një reformë zgjedhore. Shpresoj që opozita të marrë përgjegjësinë që i takojnë”, tha Balla gjatë një interviste për News 24.
