Juventus është futur me prepotencë në garën për Neymar. Lajmi që ka shpërthyer në Spanjë, ka gjetur konfirmimet e para në Brazil: Fabio Paratici përvec se ofron Dybala (vlerësohet 80 milionë euro) për Psg, ka vendosur në tavolinë një shifër të afërt me 100 milionë euro për të mundur konkurencën e Barcellona e Real Madrid. Por jo vetëm kaq, sepse bardhezinjtë i kanë garantuar brazilianit të njëjtën pagë si në Paris: 37 milionë euro në sezon.
Të parët që kanë dalë me lajmin e bujshëm ishin spanjollët e As, që shpjegojnë se Real Madrid është tërhequr prapa në garën për lojtarin, duke mos plotësuar kërkesat e Leonardo e Psg, ndërsa Barcellona është jashtë garës për shkak të vështirësive për të gjetur një akord ekonomik me klubin parisien edhe me lojtarët për këmbim. Për të prëditshmen spanjolle, por edhe për Globoesporte në Brazil, është pikërisht Juventus skuadra më pranë kërkesave të drejtorit sportiv të PSG, Leonardo, e vetmja e ulur në tavolinë në këtë moment me një as nën mëngë: Paulo Dybala.
Tekniku i Psg Thomas Tuchel ka deklaruar gjithnjë se nuk ka ndërmend të lejojë ikjen e Neymar pa patur një zëvendësues në lartësinë e duhur e transferimi i Coutinho tek Bayern Monaco i hoqi shanset propozimit të Barcellona. E kundërta ndodh me Juventus: i vlerësuar 80 milionë euro, Joya do të ulte shumë pjesën e pagesës për operacionin, që mbetet për tu studiuar në formulë. Dybala plùs 100 milionë: kjo është oferta përfundimtare e Juventus.
Neymar, që nuk e ka fshehur kurrë dëshirën për tu kthyer tek Barcelona, do të kishte në Torino një trajtim luksi dhe një pagesë të njëjtë me atë që merr në Paris. 37 milionë euro në sezon, edhe më shumë se Cristiano Ronaldo. Por para gjithckaje Paratici duhet të arkëtojë nga Mandzukic, Matuidi e Rugani.
