Janë të shpeshta rastet kur ndjekësit e kryeministrit Edi Rama në rrjetet e tij sociale, kanë bërë komente pikante dhe sikletosëse, duke e vënë në vështirësi shefin e qeverisë, i cili shpeshherë është mjaftuar duke u dhënë përgjigje evazive.
Këtë herë, disa komentues të vëmendshëm, kanë vërë re një detaj që tregon se fotot e postuara mëngjesin e sotëm prej Ramës nga ndryshimet e bëra në zonën e Shkëmbit të Kavajës, nuk janë aktuale. "Shumë ftohtë ka qenë mbrëmë në Golem! Shyqyr që kishim gati garderobën e dimrit. Qesharak!"- shkruan njëra prej tyre.
Në foto, krahas punëtorëve që janë veshur me të gjata, shfaqen edhe dy kalimtarë që mbajnë veshur xhupa.
POSTIMI I RAMËS
“Vazhdon çdo natë edhe gjatë sezonit veror, sistemimi i rrugëve dhe vendosja e ndriçimit në zonën turistike të Shkëmbit të Kavajës, ku katrahurës, pluhurit, errësirës, xhunglës 30-vjeçare të ndërtimeve pa hesap përgjatë brezit bregdetar, po i ze vendin hap pas hapi, një rrjet normal infrastrukture falë Programit Kombëtar të Rilindjes Urbane?
Gur gur bëhet muri dhe mur mur bëhet kalaja, thotë Populli, paçka se të kërkosh sot durim, pas aq shumë vitesh të shkuara mbrapsht, duke i’a futur kot e shkatërruar medemek për të ndërtuar, është si të kërkosh ujë në shkretëtirë?”
