Kylian Mbappe, i ka kërkuar Neymarit të qëndrojë me skuadrën franceze të Paris Saint-Germainit, bashkë me të.
“Dua që ai të qëndrojë dhe i kam treguar atij se çfarë mendoj për këtë situatë. Është e qartë për mua. Ai është një lojtar i rëndësishëm këtu dhe unë dua që ai të qëndrojë. Neymari ka qenë gjithmonë ashtu siç është tani, plot cilësi. Ai e ka dëshmuar këtë gjë gjithmonë”, ka thënë Mbappe.
Superylli brazilian është përfolur për një largim të mundshëm nga Paris Saint-Germaini drejt Barcelonës.
Neymari iu bashkua skuadrës së PSG-së në stërvitje të enjten, para përplasjes kundër Rennes në Trophee des Champions. Ai nuk do të marrë pjesë në këtë ndeshje për shkak të një dënimi, mirëpo Mbappe e shfrytëzoi konferencën për shtyp para ndeshjes për ta lutur lojtarin më të shtrenjtë në botë të qëndrojë në Francë.
