Paris Saint Germain ndryshon strategji dhe po përpiqet të bindë Neymar të qendrojë në kryeqytet. Takimi ballë për ballë mes drejtorit sportive të Psg Leonardo dhe O’Ney është provë e qartë se francezët kërkojnë të spostojnë hipotezën e largimit nga mendja e brazilianit. Sipas "Le Parisien", në takimin që është në agjendë në Shenzhen, në Kinë, Leonardo do të tentojë të mbyllë polemikat e divergjencat e muajit të fundit e të bindë Neymar, duke përfituar edhe vështirësitë nga ana e blerëve të mundshëm të plotësojnë kërkesat e Al-Khelaifi. Sipas të përditshmes parisiene, pas javësh konfrontimi, Neymar është shfaqur sërisht i buzqëshur, ndoshta edhe në lidhje me lajmet e mira që erdhën nga Brazili për akuzat e përdhunimit. Lojtari ka marrë pjesë në inisiativat komerciale të Psg në Shenzhen, duke treguar fanellën e tij në rrjetet sociale.
Në qetësimin e situatës ka shërbyer edhe deklarata e teknikut të klubit, Thomas Tuchel, që është përgjigjur se për brazilianin "nuk ka asgjë të re. Është një pyetje për tiu bërë klubit e Neymar. Për mua ai është në dhomat e zhveshjes, po stërvitet dhe është ende një lojtar i imi". Për të kurorëzuar me sukses strategjinë e re, PSG po mendon ti pastrojë edhe rrugën numrit 10, duke larguar nga klubi Edinson Cavani, raporti i të cilit me Neymar nuk ka qenë kurrë i mirë. Largimi i mundshëm i uruguajanit do të ishte një motiv më tepër për të mbajtur brazilianin.
