Shpesh janë trajnerët që marrin në telefon lojtarët gjatë një tratative merkat, për ta bindur të pranojnë transferimin. Është një mënyrë për të transmetuar besim, për ta bërë të ndihet i rëndësishëm një kampion e për ta bërë pjesë të skuadrës pa u bërë ende vërtetë. Matthijs de Ligt ka përmbysur tendencën. Sipas informacioneveishte ai që ka telefonuar Maurizio Sarri.
Që djaloshi ka personalitet të jashtëzakonshëm ishte kuptuar prej kohësh e sidomos në festën e titullit të Ajax. 19 vjec dhe me mikrofonin në dorë mbajti fjalimin e krenarisë. Këtë herë kërkoi numrin e Sarri, trajneri i tij i ardhshëm mësa duket dhe e ka pyetur: "Si do të luajmë?".
De Ligt nuk do garanci për një vend në skuadër: është kaq i sigurtë tek vetja sa ndoshta e ka të qartë se i vlen të 70 milionët që kërkojnë në Amsterdam. Hollandezi ka dashur të kuptojë filozofinë e lojës që e pret dhe Sarri duhet tia ketë bërë të qartë. Në përfundim të asaj festës titull me Ajax, De Ligt u shpreh: "Treguam si jemi ne të Amsterdam, të lindur për të sulmuar". E për të lënë mënjanë Barcelonën e të zgjidhte Juventus, donte të ishte i sigurtë se do të shkonte në një skuadër me të njëjtin mentalitet.
