Nuk është hera e parë e nuk do të jetë as e fundit, por është një situatë e shëmtuar, që sheh edhe një herë Italinë të bëhet viktime e “biskotës” së famshme. Ashtu si ndodhi me 2-2 mes Danimarkës e Suedisë, edhe Franca e Rumania vendosën të mos i bënin keq njëra tjetrës. Ankthi i barazimit mes Francës dhe Rumanisë, së cilës i frikësohej në prag Italia e Xhixhi Di Biaxhios, u kthye në realitet. Një barazim me rrjeta të paprekura në Cesena, nxjerr jashtë kombëtaren e Di Biaggio ashtu si Danimarka dhe Suedia, flakën Kombëtaren e Trapatonit në EURO 2004 në Portugali.
Një pikë për rumunët e francezët që dënojnë të rinjtë e kaltër, duke kualifikuar komplotistët në gjysmëfinale. Për t’u kualifikuar Italia e 21 vjeçarëve e Di Biagio duhet të shpresonte në fakt që Francë – Rumani të mos përfundonte në barazim (rezultat shumë i mundur që nga fillimi sepse skuadrat në kuotën e 7 pikëve do të ishin të kualifikuara…). Por në fund një barazim dhe vendimi i teknikut për të dhënë dorëheqjen, pa kërkuar asnjë alibi: “Do të thosha se është bërë një punë e mirë: kemi përmirësuar shumë lojtarë, u treguam kompetitivë me shumë skuadra të forta, shumë lojtarë shkuan në kombëtaren A. Pastaj është pjesa e dhimbshme, sepse rezultati nuk ishte pozitiv për ne, por nuk është një dështim për mua. Nga tani nuk do të jem më trajneri i Under 21. Faji është vetëm i yni, pa kërkuar alibi. Përgjegjësi kryesor jam unë".
U kuptua shpejt, në fakt, që të dy skuadrat nuk kishin asnjë qëllim të fitonin, duke mbyllur një ndeshje nën ritëm dhe të mërzitshme, që dënoi Italinë e Chiesa, Kean e Barella, që shkon në të shtëpi më përpara se sa parashikohej. Një lamtumirë nga Evropiani plot me pengje duke para se si kishte nisur me fitoren e bukur ndaj Spanjës, por dukshëm e kompromentuar me humbjen e shëmtuar, pavarësisht se minimale, me një Poloni që nuk ishte krejtësisht e pamposhtur.
