Nga Ishull Lezhë ku mbajti një takim në kuadër të festimeve lokale, në prag të çeljes së sezonit turistik kryeministri Edi Rama nuk i ka kursyer edhe ironitë therëse për protestat e opozoitës.
Rama u shpreh se tashmë që skenografia e protestave është aq e mirëorganizuar mund të përfshihet në kalendarin turistik, por turistët duhet të marrin përsipër riskun që të numërohen si protestues.
"Mund të ofrojmë edhe protesta si atraksione turistike. Mund të jetë një nga atraksionet turistike, duke qenë se janë me orare me stacione, me gjithë skenografinë e përgatitur si shfaqeje për të impresionuar të gjitha publikun nga ekrani. Mund të përfshihen në kalendarin turistik që turistët të ndjekin një protestë, duke marrë përsipër riskun që të numërohen si protestues", tha Rama.
