Sikundër kishte paralajmëruar opozita ka nisur me bllokimin e akseve kryesore rrugore në të gjithë vendin. Kreu i PD-së ndodhet në Elbasan.
“Beteja që ka nisur është pa kthim. Historia do tregojë se kjo betejë do të përfundojë me shporrjen e qeverisë së krimit dhe triumfin e vlerave europiane. E ardhmja e shqiptarëve është Europa!”, tha Basha teksa marshonte bashkë me qytetarët.
Opozita kërkon krijimin e një qeverie transitore dhe zhvillimin e zgjedhjeve të lira e demokratike, pa Edi Ramën kryeministër. Mazhoranca nga ana tjetër duket e vendosur për të hyrë në zgjedhjet lokale e vetme.
