Valtteri Bottas në krye të kampionatit botëror të Formula 1, me një pikë më shumë se Lewis Hamilton. Një sinjal jo i mirë për Ferrarin, sepse të shohësh atje lart, personin që ishte konsideruar si “shërbëtor” në skuderinë Mercedes, tregon se sa shumë superior është Mercedesi ndaj Ferrarit në këtë nisje të kampionatit botëror.
Toto Wolf nuk ka nevojë as të japë urdhëra skuderie, duke parë shkathtësinë e dy pilotëve në pistë. Po, sepse deri tani Ferrari nuk ka marrë mundim as të gudulisë ushtrinë e pamposhtur të Mercedes, e aftë të arrijë 4 dopieta rradhazi me nga dy fitore për secilin pilot. Dhe krahasimi me vitin 2018 është si të ndryshosh një faqe historie. Një vit më parë në Baku, Hamilton ishte lideri i botërorit me 70 pikë por Vettel qendronte aty afër, me 4 pikë më pak, 66. Ferrari ndërkohë ndodhej në krye të klasifikimit të konstruktorëve me 114 pikë ndaj 110 të Mercedes.
Kalimi i kohës na ofron sot një panoramë të zymtë. Bottas ka marrë 47 pikë më shumë se një vit më parë, Hamilton 16 ndërsa Mercedes +63 pikë. Vettel ka 14 pikë më pak se viti i kaluar ndërsa LeClerc noton në ritmin e Raikkonen. Romantikët lidhen pas faktit se nga këtu deri ne fund mungojnë edhe 17 gara. Kush është me realist e konsideron këtë kampionat botëror të mbyllur për skduerinë nga Maranello sepse Mercedes nuk ka tashmë vetëm Hamilton si pikë referimi. Ka një Valteri Bottas që nëse vjet ishte në rolin e shërbyesit dhe ndihmësit të britanikut, këtë vit padyshim ka hequr nga vetja këtë epitet, duke hedhur kandidaturën për titullin kampion. Tek Ferrari duhet të rikuperojnë disavantazhin nga dy pilotët, dhe të tentojnë të ngjiten më lart se vendi I 3, gjë të cilën këtë vit nuk e kanë arritur ende...
