13 Prilli do të jetë një ditë e veçantë në Universitetin Katolik “Zoja e Këshillit të Mirë”.
Maturantët nga e gjithë Shqipëria do të marrin pjesë në Ditën e Hapur 2019.
Të gjithë ju, kandidatë për në universitet keni mundësinë të vizitoni kampusin, laboratorët, klinikat, auditorët, bibliotekën dhe ambientet e tjera me interes të UKZKM.
Do të merrni informacion të detajuar mbi programet e studimit, kohëzgjatjen e tyre, kriteret e pranimit në degët: Arkitekturë, Farmaci, Ekonomi, Mjekësi, Odontoiatri dhe Protezë Dentare, Fizioterapi, Infermieri.
Kampusi universitar do të qëndrojë i hapur nga ora 09.00 - 14.00 për ju, shokët dhe prindërit tuaj. Ndaj planifikoni ta kaloni paraditen në kampus. Ju përgatisni pyetjet, ndërsa ne do t’ju pajisim me laps e bllok për të mbajtur shënime! Sinoptikanët kanë parashikuar mot me rreshje, ndaj ju rekomandojmë të merrni çadër, për të tjerat mendojmë ne.
Ejani në Universitetin Katolik “Zoja e Këshillit të Mirë” për të ndërtuar të ardhmen tuaj europiane!
Mirë u takofshim të shtunën në Open Day!
(Artikull Promocional)
