Zv. Shefi i Misionit të SHBA në Detyrë Dan Koski, në emër të ambasadës amerikane në Tiranë është shprehur se “Reforma në drejtësi nuk do të ndalojë”, duke shtuar dhe se ndihet i kënaqur nga ecuria e reformës.
Në Konferencën “Planifikimi Urban dhe Zhvillimi Ekonomik Vendas”, Koski tha se Shqipëria do të ketë shumë shpejt sistemin e ndershëm dhe transparent të drejtësisë. SHBA-të kanë qenë një nga mbështetësit më të mëdhenj të reformës në drejtësi dhe duke kërkuar çuarjen e saj përpara.
“Reforma në Drejtësi vazhdon të ecë përpara, në rrugën e duhur, sipas planit. Shtetet e Bashkuara janë krenare për ndihmën që po u jepet këtyre institucioneve ndërsa ecin përpara. Shqipëria do të ketë shumë shpejt sistemin e ndershëm dhe transparent të drejtësisë që Kushtetuta parashikon. Qytetarët shqiptarë duhet të ndihen të sigurtë për këtë gjë – reforma në drejtësi nuk do të ndalojë”, tha Zv. Shefi i Misionit në Detyrë Dan Koski.
