Ish-ministri i Brendshëm, Saimir Tahiri, sapo ka mbërritur në Gjykatën për Krime të Rënda, në shoqerinë e avokatit Maksim Haxhia, ku pritet të zhvillohet seanca paraprake në ngarkim te tij.
Në paraqitjen e fundit në Gjykatën për Krime të Rënda, teksa seanca deshtoi, avokati Maksim Haxhia, në një prononcim për mediat la të hapur mundësinë për të kërkuar gjykim të shkurtuar.
Shqyrtimi i hetimeve të Prokurorisë do të bëhet sot, pasi seancen e shkuar nuk ishin njoftuar 3 të hetuarit e tjerë, ish-policët Jaeld Çela, Gjergji Kohila dhe Sokol Bode, që ndodhen në arrati prej më shumë se një viti.
