Një makinë përplasi një kalimtar në Durrës, ndërkohë që drejtuesi i mjetit është larguar nga vendi i ngjarjes.
Sipas policisë, aksidenti ka ndodhur sot rreth orës 09:05, në lagjen Nr 6 Durrës.
“Një mjet i paidentifikuar ka përplasur shtetasin këmbësor K.Ç., 80vjeç , i cili u trasportua në spital dhe ndodhet nën kujdesin e mjekëve” - njofton policia.
Grupi Hetimor ndodhet në vendngjarje dhe po punon për zbardhjen e shkakut të aksidentit, identifikimin e makinës dhe kapjen e autorit.