Ditët e fundit, disa vatra zjarri ka pasur në qytete të ndryshme, duke nisur nga Tirana, si në banesa e objekte ashtu edhe në sipërfaqe pyjore. Më i fundit ishte zjarri në pyllin e Semanit që angazhoi një numër të madh mjetesh e njerëzish për vënien nën kontroll të flakëve.
Por si paraqitet situata sipas Institutit të Gjeoshkencave, Energjisë, Ujit dhe Mjedisit?
IGJEUM njofton se janë katër qarqet më të rrezikuara nga zjarret: Fieri, Shkodra, Tirana dhe Lezha.
Po kështu IGJEUM njofton edhe për situatën meteorologjike duke treguar se gjatë ditës së nesërme mund të ketë reshje në disa zona të vendit.
ZJARRET NË PYJE
Sot (e enjte, dt.23) dhe nesër (e premte, dt.24) pritet nivel “I MODERUAR” rreziku në të gjithë qarqet e vendit (siç tregohet në tabelë, respektivisht për secilin qark). Ndërmjet qarqeve me nivel “I MODERUAR”, qarqet Fier, Shkodër, Tiranë dhe Lezhë pritet të kenë rrezik më të lartë krahasuar me qarqet e tjerë.
PARASHIKIMI METEO
RESHJET
Sot pasdite (e enjte, dt.23) dhe nesër (e premte, dt.24) priten reshje të dobëta në qarkun Kukës. Në qarqet Dibër dhe Korçë priten reshje lokalisht të dobëta (siç tregohet në tabelë, respektivisht për secilin qark). Në zona shumë të vogla të qarqeve mund të ketë reshje në formë shtrëngate me kohëzgjatje të shkurtër, më të mundshme në terrenet malore (dhe ato pranë tyre) gjatë pasditeve.
TEMPERATURAT
Nesër (e premte, dt.24) temperaturat minimale dhe maksimale të ajrit pritet të arrijnë:
në bregdet: 20 / 31 °C
në vendet e ulëta: 19 / 33 °C
në vendet malore: 13 / 29 °C
ERA
Sot pasdite (e enjte, dt.23) dhe nesër (e premte, dt.24) era do të vazhdojë të fryjë e lehtë deri mesatare në orët e pasdites.
