Dy shqiptarë, babë e bir kanë humbur jetën në një aksident tragjik në Kanada. Makina ku po udhëtonin 4 anëtarët e familjes Metko u përplas me një automjet tjetër në Ontario.
Mediat vendase shkruajnë se viktimat janë Fatos Metko, 45 vjeç dhe djali i tij Fioralb Metko, 14 vjeç. Të plagosur mbetën bashkëshortja e Fatos Metkos, Maralba dhe vajza e tij, Brianna. Ato janë dërguar në spital ku po marrin ndihmë mjekësore.
https://video.syri.net/upload/videos/2018/08/3flYOqWqdAB2ZAkrCqZb_23_377d83fa02500e6d284acdf2540947d1_video_480p_converted.mp4
Sipas të njëjtave burime, nga automjeti i dytë i përfshirë në aksident humbën jetën gjithashtu 2 persona të tjerë me shtetësi kandaze, Cynthia Caraoa 51 vjeç dhe 9-vjeçarja Anika Caraoa e Ëinnipeg. 3 persona të tjerë në automjetin e dytë kanë mbetën të plagosur.
Policia kanadeze sqaroi se automjeti me të cilin udhëtonte familja shqiptare u përplas fillimisht me një dre dhe më pas humbi kontrollin duke u përplasur me një makinë tjetër.
Fatos Metko kishte punuar si shef kuzhine në dy restorante për më shumë se 9 vjet. Familja Metko po udhëtonte drejt Ontarios për të vizituar qytetin, me synimin për t’u shpërngulur në atë qytet aty javët e ardhshme.
Çifti shqiptar kishte nisur procedurat për të regjistruar në shkollë dy fëmijët. Përmes një deklarate, Shoqata Shqiptaro-Kanadeze tha se po mbledhin fonde për familjen Metko që u përfshi në aksidentin tragjik.
