Një shqiptar është plagosur me armë zjarri në La Spezia të Italisë, raportojnë mbrëmjen e sotme mediat lokale.
Ngjarja ka ndodhur në lagjen e njohur e populluar “Canaletto”, para një bari, raporton “Gazzetta di Parma”.
Shqiptari është qëlluar me një plumb pistolete në këmbë.
Sipas raportimeve të para, i plagosuri u transportua në spitalin Sant’Andrea të Spezia-s dhe ndodhet jashtë rrezikut për jetën.
Identiteti i tij nuk bëhet i ditur.
Karabinierët kanë rrethuar zonën ku ndodhën të shtënat. Një hetim ka nisur për zbardhjen e ngjarjes dhe arrestimin e autorit.
