Një aksident me pasojë vdekjen një 6-vjeçari ka ndodhur pasditen e sotme në Divjakë.
Ngjarja ka ndodhur rreth orës 17.10, kur një makinë tip "Benz" ka përplasur për vdekje një fëmijë, të moshës 6 vjeç.
Nën drejtimin e makinës, që shkaktoi aksidenti, mësohet se ka qenë një femër, e identifikuar me inicialet M. M, 35 vjeçe. Ajo u shoqërua në Polici, për sqarimin e rrethanave she shkaqeve të këtij aksidenti të rëndë.
Informacion paraprak i Policisë:
Më datë 11. 08. 2018, rreth orës 17:10 në qendër të qytetit të Divjakës, mjeti tip "Benz" me drejtuese shtetasen M. M., ka aksidentuar një fëmijë të mitur të moshës 6 vjeç i cili ka ndërruar jetë.
Shtetasja M.M është shoqëruar në Komisariatin e Policisë Lushnje dhe po kryhen veprimet proceduriale.
Grupi hetimor po punon për zbardhjen e plotë të rrethanave të ngjarjes.
